Australien Reisebericht


Australien (26.3.2000 - 13.4.2000)


 

 

Am Dunschtigabig, am 23. März 2000 han ich zum erschte mal vo eme super Flugangebot mit dä KLM nach Sydney ghört. Ein Tag spöter, am 24. März 2000 han ich min letschte Arbetstag bi dä Ränteastalt gha und bin, nachdem ich alles ufgrumet han und mich verabschiedet han, in es Reisbüro gange und han mich erkundiget ob's no freii Plätz hät... Sie händ no gha für dä Abflug vom nöchschte Sunntig oder Mändig. Han mich dänn für dä Mändig entschiede und buechet. Debi han ich gar kei Reis planet gha. Eigentlich han ich nur chli welle nach Savognin go skifahre... 

 

 

 

 Tja, erschtens chunnts anderscht und zweitens als mer dänkt...

 

 

So bin ich also am 27. März 2000 in Züri abgfloge mit em Ziel Sydney. Nach ere lange Reis via Amschterdam und Singapur bin ich am Dsieschtig am spötere Nammittag det acho und han mal zerscht es Zimmer gsuecht. I dä Nöchi vo Chinatown han ich dänn für vier Tag es Zimmer gnoh und vo det us die lässig Stadt erkundet.

  

 

Dänn han ich es Auto gmietet (trotz Linksverchehr) und bin ei Wuche zwüsched Brisbane und Sydney underwägs gsi. Han so under anderem im Surfers Paradise (schrecklichi Betonhochburg a dä Gold Coast) und Byron Bay (trendige Ferieort & Surfer-Mekka) Zwüschehält gmacht und dä Auschtralischi Herbscht bi summerliche Temperature gnosse. A eim Tag han ich en Usflug mit ere Cessna uf d'Lady Elliot Island (südl. Insle vom Great Barrier Reef) gmacht. Det isch's Paradies uf Erde. Ä traumhafti Underwasserwält hät sich mir dete uftah...

 

 

Nach ere Wuche umezieh a dä Oschtküschte vo Auschtralie bin ich wieder zrugg nach Sydney und han in Kings Cross es Zimmer gnoh und vo det us nomal vier Tag Sydney erkundet und gnosse.

 

Meh vo minere Reis chasch im Fotoalbum über Auschtralie erfahre. Viel Vergnüege... ;-)